Idman.biz
Bu gün UEFA Çempionlar Liqasında pley-off mərhələsinin növbəti oyunlar keçirilib.
İdman.biz xəbər verir ki, 4 qarşılaşma ilə mərhələnin ilk görüşlərinə yekun vurulub.
Günün maraqla gözlənilən matçlarından biri Türkiyədə baş tutub. İstanbulda "Fənərbaxça" Portuqaliya "Benfika"sını qəbul edib. 90 dəqiqə ərzində qapılara qol vurulmayıb.
Mərhələnin sürpriz komandası "Kayrat" Şotlandiya səfərində heç-heçəyə nail olub. Bu görüşdə də tablodakı sıfırlar dəyişməyıb.
"Budo/Qlimt" ilk oyunda inamlı qələbə qazanıb. "Şturm"un qapısından 5 cavabsız top keçirən Norveç çempionu Liqa mərhələsinə vəsiqəni, demək olar ki, təmin edib.
UEFA Çempionlar Liqası
Pley-off mərhələsi, ilk oyunlar
20 avqust
23:00 "Fənərbağça" (Türkiyə) - "Benfika" (Portuqaliya) - 0:0
23:00 "Bazel" (İsveçrə) - "Kopenhagen" (Danimarka) - 1:1
23:00 "Seltik" (Şotlandiya) - "Kayrat" (Qazaxıstan) - 0:0
23:00 "Budo/Qlimt" (Norveç) - "Şturm" (Avstriya) - 5:0
Qeyd edək ki, pley-off mərhələsinin cavab oyunları avqustun 26-27-də keçiriləcək.
İdman.biz
