Idman.biz
Dünən UEFA Çempionlar Liqası əsas mərhələsinin püşkü atılıb.
İdman.biz xəbər verir ki, yarış sentyabrın 16-da start götürəcək.
"Bodö/Qlimt" (Norveç), "Kayrat" (Qazaxıstan), "Pafos" (Kipr) və "Union Sent-Jilluaz" (Belçika) ilk dəfə Çempionlar Liqasının liqa/qrup mərhələsində çıxış edəcəklər.
Almatıda yerləşən "Kayrat" isə indiyədək turnirin əsas mərhələsinə vəsiqə qazanan ən şərqdə yerləşən komandadır.
Bununla yanaşı, Şimal Qütb dairəsi yaxınlığında yerləşən Bodö şəhərini təmsil edən "Bodö/Qlimt" isə Çempionlar Liqasında Avropanın ən şimal klubu olacaq.
Bu, həmçinin 2007/08 mövsümündən bəri Norveç klublarından birinin ilk dəfə turnirin əsas mərhələsində iştirak etməsi deməkdir. 2005/06 mövsümündən bəri isə ilk dəfə Ukrayna klublarından heç biri liqa/qrup mərhələsinə vəsiqə qazana bilməyib.
Qeyd edək ki, "Qarabağ" Çempionlar Liqasında "Çelsi" (e), "Liverpul" (s), "Ayntraxt" (e), "Benfika" (s), "Ayaks" (e), "Napoli" (s), "Kopenhagen" (e) və "Atletik Bilbao" (s) ilə qarşılaşacaq.
İdman.biz
