Idman.biz
UEFA Çempionlar Liqasında pley-off mərhələsinin daha iki oyunu keçirilib.
Mərhələnin sensasiyası İtaliyada baş verib. Yerli "İnter" Norveçin "Bodo-Qlimt" klubuna məğlub olaraq (1:2) mübarizəni dayandırıb.
58-ci dəqiqədə Yens Petter Höge hesabı açaraq qonaqları hesabda irəli çıxarıb. 72-ci dəqiqədə Haakon Evjen Norveç komandasının fərqini ikiqat artırıb. 77-ci dəqiqədə Alessandro Bastoni bir qolun əvəzini çıxıb.
Bu komandaların ilk oyununda da Norveç təmsilçisi qalib gəlmişdi - 3:1.
"Bayer" isə öz meydançasıında "Olimpiakos"u məğlub edə bilməyib - 0:0. Lakin ilk matçda qazanılmış qələbə (2:0) hesabına Almaniya klubu 1/8 finala adlayıb.
23:35
UEFA Çempionlar Liqasında pley-off mərhələsinin cavab matçlarına start verilib.
İdman.Biz bildirir ki, ilk olaraq "Atletiko Madrid" və "Brügge" qarşılaşıblar. Bu komandaların ilk oyunu 3:3 hesabı ilə bitmişdi.
Hesabı meydan sahiblərindən Aleksandr Sörlot 23-cü dəqiqədə açıb. 36-cı dəqiqədə Ordonyes hesabı bərabərləşdirib. Kardozo 48-ci dəqiqədə yenidən madridliləri önə çıxarıb. 76-cı dəqiqədə Sörlot hesab arasındakı fərqi artırıb. 87-ci dəqiqədə Sörlot oyunda üçüncü topunu vurub - 4:1.
Matç bu hesabla bitib və Madrid klubu Çempionlar Liqasının 1/8 final mərhələsinə vəsiqə qazanıb.
09:44
Bu gün UEFA Çempionlar Liqasında pley-off mərhələsinin cavab matçlarına start verilir.
İdman.Biz xəbər verir ki, turun ilk oyun günündə dörd qarşılaşma keçiriləcək.
Bugünkü qarşılaşmaların siyahısını təqdim edirik:
UEFA Çempionlar Liqası
Pley-off mərhələsi
24 fevral
Saat 21:45. "Atletiko Madrid" (İspaniya) - "Brügge" (Belçika)
İlk oyun: 3:3.
Saat 23:59. "Nyukasl Yunayted" (İngiltərə) - "Qarabağ" (Azərbaycan)
İlk oyun: 6:1.
Saat 23:59. "İnter" (İtaliya) - "Budo-Qlimt" (Norveç)
İlk oyun: 1:3.
Saat 23:59. "Bayer Leverkuzen" (Almaniya) - "Olimpiakos" (Yunanıstan)
İlk oyun: 2:0.
