Idman.biz
İngiltərənin "Çelsi" klubunun gələcək baş məşqçisi Liam Rosenyor heyətin gücləndirilməsi üçün əsas transfer hədəfini müəyyənləşdirib.
İdman.Biz xəbər verir ki, hazırda Fransanın "Strasburq" klubunda çalışan 41 yaşlı mütəxəssis London klubunun rəhbərliyinə "Kristal Palas"ın mərkəz müdafiəçisi Mark Gehini heyətində görmək istədiyini bildirib.
Yaxın günlərdə Rosenyorun "Çelsi"yə baş məşqçi təyin olunması rəsmi şəkildə elan ediləcək.
Qeyd olunur ki, 25 yaşlı futbolçu mövsümün sonunda azad agent statusu alacaq. Bununla belə, onun transferi uğrunda mübarizənin çətin keçəcəyi gözlənilir, çünki Mark Gehiyə İngiltərənin və Avropanın digər aparıcı klubları da maraq göstərir.
Xatırladaq ki, Liam Rosenyor yanvarın 1-də vəzifəsindən ayrılan Enso Mareskanı "Çelsi"nin baş məşqçi postunda əvəz edəcək.
