Idman.biz
"Çelsi"nin transfer pəncərəsinə iki həftə qalması üçün çox işi var: əsasən satışlara görə, lakin klub alışlar üzərində də işləyir.
İdman.biz xəbər verir ki, xarici mətbuat London klubu barədə həftənin ən vacib insaydlarını toplayıb.
Veyqa "Vilyareal"ın maraq dairəsindədir, lakin "Çelsi" qiymətdə güzəştə getməli olacaq
The Athletic, "Çelsi"nin Renato Veyqanı transfer pəncərəsi bitməmiş satacağına əmin olduğunu, lakin onu Premyer Liqadan kiməsə verməli olma ehtimalı olduğunu bildirib. İnsayder Liam Tvimeyin dediyinə görə, Veyqa ilə üç ingilis klubu ilə maraqlanır, üstəlik "Çelsi" İspaniya komandasının təklifini rədd edib.
BBC-dən Nizaar Kinsella sözügedən ispan klubunun "Vilyareal" olduğuna əmindir. Futbolçu artıq şəxsi müqavilənin şərtlərini razılaşdırsa da, klublar arasında danışıqlar çətin gedir. "Çelsi" təxminən 34 milyon funt-sterlinq istəyir, lakin ispanlar daha aşağı qiymətlə razılaşacaqlarına əmindirlər - təxminən 30 milyon funt-sterlinq.
"Çelsi" digər iddiaçılardan 34 milyon tələb edbi: daha əvvəl "Bayern" və "Atletiko" Veyqa ilə maraqlanıblar. Münhen klubu Kim Min Djeni sata bilmədiyi üçün rəsmi təkliflə çıxış etməyib. "Atletiko" ilə "Çelsi" bu məsələd razılaşıblar, lakin son anda Madrid klubu razılaşmadan geri çəkilib – onlar daha perspektivli David Qantsko barədə 27 milyon funt-sterlinqlik müqavilə imzalaya biliblər.
Cekson bir çox klubların şort-listindədir, lakin hələlik heç bir təklif yoxdur
Nikolas Ceksonla bağlı məsələlər qeyri-müəyyəndir. Seneqallı oyunçu "Çelsi"dən onu transferə çıxarmağı xahiş edib və klub buna etiraz etməyib. Hücumçu komandanın digər üzvləri ilə birgə məşq edir, lakin yoldaşlıq oyunları üçün heyətə daxil edilməyib və üç oyunluq diskvalifikasiyaya görə Premyer Liqanın ilk turunu buraxıb (ötən mövsümün 36-cı turunda "Nyukasl"la oyunda qırmızı vərəqə alıb).
İnsayderlər iddia edir ki, dörd Premyer Liqa klubu Ceksonla maraqlanır - hamısı artıq "Çelsi"yə sorğu göndərib. Çempionlar Liqasında çıxış edən bir neçə komanda da Nikolas haqda məlumat istəyib, lakin hələlik heç kim rəsmi təkliflə çıxış etməyib.
Onun başlanğıc qiyməti 80 milyon funt-sterlinqdir. Londonlular qiyməti aşağı salmağa hazırdırlar, lakin bu mövsümlərarası digər top-hücumçuları almaq üçün ödədikləri məbləğlər çərçivəsində. Çox güman ki, Nikolas 55-60 milyon funt-sterlinqdən aşağı satılmayacaq.
Cekson transfer pəncərəsinin sonuna kimi "Stemford Bric"i tərk etməsə, Entso Mareska onu yenidən komandaya qaytaracaq.
"Bavariya" Nkunkunu icarəyə götürməyə çalışır
Kristofer Nkunku hələ qışda "Çelsi" ilə mövsümlərarası fasilədə tam hüquqlu transferlə anlaşıb. "The Athletic"in məlumatına görə, Premyer Liqa və Bundesliqa klubları londonlulara müraciət edib - "Çelsi" onlardan təxminən 35-40 milyon funt-sterlinq istəyib.
"Bavariya" ilə substantiv danışıqlar aparılır. Münhenlilər Camal Musialanın zədələnməsi və Kinqsli Komanın "Al Nasr"a satılması səbəbindən hücumameyilli oyunçu axtarır, lakin Nkunkunu yalnız icarəyə götürməyə hazırdırlar. "Çelsi" buna qarşıdır və Kristofer də icarəyə getmək istəmir. Danışıqlar davam edir: Nkunku yanvar ayında "Bayern" ilə şəxsi müqaviləni razılaşdırıb və indi klublara transferi həyata keçirmək üçün variant tapmaq vacibdir.
"Leypsiq" də maraqlananlar arasındadır, lakin "Bayern" kimi o da yalnız icarəyə götürməyə hazırdır. Kristofer "Leypsiq"in avrokuboklarda iştirak etməməsi səbəbindən Münhenə getməyə üstünlük verir.
Sterlinqin icarə məsələsi həll olunur
İnsayderlər əvvəllər "Çelsi"nin Rahimi təxminən 20 milyon funt-sterlinqə satmağa ümid etdiyini bildirirdilər. Bunun asan olmadığı ortaya çıxdı: ingilisin həftədə 300 min funt sterlinq maaş alması potensial alıcıları uzaqlaşdırır. Klublar yalnız icarə təklifi ilə gəlirlər.
Transfer pəncərəsinin bitməsinə iki həftə qalmış "Çelsi" nəhayət təslim olub: "The Athletic" xəbər verir ki, londonlular artıq icarəyə hazırdırlar. Futbolçu Premyer Liqada, ailəsinin yaşadığı Londonda qalmağa üstünlük verib. Lakin o, uyğun təklif gələrsə, İngiltərə daxilində köçməyə də hazırdır.
"Fulhem" əsas iddiaçılardan hesab olunur; Marko Silvanın komandası iyul ayından etibarən Sterlinqi izləyir. Rahimin özünün təklifə münasibəti və futbolçunun maaşının necə ödəniləcəyi hələlik məlum deyil. Ötən mövsüm Sterlinq "Arsenal"a gedəndə klublar maaşı yarıya bölüblər.
İdman.biz
