Idman.biz
Argentina millisinin və "Çelsi"nin yarımmüdafiəçisi Enso Fernandes karyerasını Madrid "Real"ında davam etdirə bilər.
İdman.biz "Fichajes" nəşrinə istinadən xəbər verir ki, "kral klubu" 24 yaşlı futbolçunun transferində maraqlıdır, lakin bu keçid üçün ciddi məbləğ ödəməlidir.
"Çelsi" argentinalı yarımmüdafiəçini yalnız 140 milyon avro təklif edildiyi halda buraxmağa hazırdır.
London klubu qiyməti azaltmaq niyyətində deyil, çünki 2023-cü ildə Ensonun transferi üçün "Benfika"ya 121 milyon avro ödəyib. Əks halda, "Çelsi" maliyyə feyr-pley qaydaları ilə bağlı problem yaşaya bilər.
Qeyd edək ki, cari mövsümdə Fernandes bütün turnirlərdə 10 oyun keçirib, 3 qol vurub və 1 məhsuldar ötürmə ilə yadda qalıb.
