Idman.biz
İngiltərənin "Çelsi" komandasının azarkeşləri rəhbərliyin qərarlarına qarşı etiraz aksiyası keçirməyə hazırlaşır.
İdman.Biz "The Sun" nəşrinə istinadla xəbər verir ki, Enzo Mareskanın istefasından sonra sosial şəbəkələrdə azarkeşlər "klubun modeli və strategiyasına qarşı sülh yolu ilə etiraz üçün birləşmək" çağırışları etməyə başlayıblar.
Etirazların əsas hədəfi klubun sahiblərindən Behdat Eqbali və idman direktorlarıdır.
Mənbə qeyd edir ki, planlaşdırılan etiraz aksiyaları yeni baş məşqçi postuna namizədlərlə əlaqəli deyil və məsələ sırf klubun ümumi idarəçilik modeli və strateji istiqaməti ilə bağlıdır.
Azarkeşlər klubun son illərdə apardığı siyasətin idman nəticələrinə mənfi təsir göstərdiyini düşünür və rəhbərlikdən dəyişiklik tələb edirlər.
