Idman.biz
"Bəxtiyar Sultanov heç vaxt klubumuzun baş məşqçisi olmayıb".
Bu sözləri İdman.Biz-ə açıqlamasında I Liqa təmsilçisi "Cəbrayıl" klubunun prezidenti Şahin Məmmədov komandanın baş məşqçisinin işdən azad olunması barədə yayılan xəbərlə münasibət bildirərkən deyib.
O, məsələyə aydınlıq gətirərək qeyd edib ki, Bəxtiyar Sultanov onun yaxın dostudur:
"Bəxtiyar Sultanov mənim yaxın dostumdur. Onu məşqçilər korpusuna kömək məqsədilə dəvət etmişdim. Qeyd edim ki, komandamızın baş məşqçisi Səbuhi Həsənovdur və mən onu heç vaxt vəzifəsindən azad etməmişəm, baxmayaraq ki, komandanın hazırkı nəticələri məni qane etmir".
Qeyd edək ki, mətbuatda "Cəbrayıl" klubunda baş məşqçi dəyişikliyi ilə bağlı məlumatlar yayılıb, lakin klub rəhbərliyi bu xəbərləri əsassız adlandırıb.
Vüqar Vüqarlı
12:29
I Liqa təmsilçisi "Cəbrayıl"ın baş məşqçisi Bəxtiyar Soltanovla yollarını ayıracağı iddia olunub.
İdman.Biz fanat.az-a istinadən xəbər verir ki, çempionata uğursuz başlayan bölgə təmsilçisinin son turda MOİK-ə böyük hesabla uduzması (1:4) rəhbərliyin "səbr kasası"nı daşırıb.
Mütəxəssislə görüşən klub başbilənləri onunla vidalaşmaq zamanının çatdığını bildiriblər.
Soltanov bu yay komandanın sükanı arxasına gətirilmişdi.
Qeyd edək ki, 5 oyuna 3 xal toplayan "Cəbrayıl" hazırda turnir cədvəlinin 8-ci pilləsində mövqe tutub. Sözügedən komanda sonuncu - 10-cu yerdə qərarlaşan "Difai"dən cəmi 2 xal öndədir.
