Sport24.az
Misli Premyer Liqasında XVII tur başa çatıb. Son oyunda "Qarabağ" "Sumqayıt"ı məğlub edərək, liderliyə yüksəlib. "Neftçi" və "Sabah" turu qələbə ilə başa vurub. "Zirə" – "Turan Tovuz" duelində isə qalib müəyyənləşməyib.
Turun açılış oyununda qapılara qol vurulmadı. "Səbail" Cavid Hüseynovun rəhbərliyi altında ilk xalını qazandı, "Şamaxı" isə turlar sonra məğlub olmadı.
Azərbaycan yığmasının sabiq futbolçusu Ceyhun Sultanov Sport24.az saytına açıqlamasında turu belə dəyərləndirib:
"Geridə qalan turda sürpriz nəticədən söhbət gedə bilməz. Hər komanda bacardığını göstərdi. "Qarabağ" gözlənildiyi kimi "Sumqayıt"a qalib gəldi. "Şamaxı" "Səbail" ilə heç-heçə etdi. Bir oyun deyə bilmərəm ki, orada nəticə oyuna görə olmadı. "Neftçi" "Kəpəz"i məğlub etdiyi oyunda ilk hissəsində ev sahibi komanda, ikinci hissədə isə qonaq komanda yaxşı oynadı. Qış fasiləsinə bir tur qalıb. İnşallah klublarımızın futbolçuları zədəsiz çempionatı bitirərlər.
