Sport24.az
"Bu qarşılaşma bizim üçün çox önəmli idi". Sport24.az xəbər verir ki, bu sözləri "Səbail"in baş məşqçisi Cavid Hüseynov deyib.
Mütəxəssis "Neftçi"yə 1:2 hesabı ilə uduzduqları Misli Premyer Liqasının XXVII turunun oyunu ilə bağlı fikirlərini bölüşüb:
"Əsas rəqiblərimiz xallar qazanır, biz isə son iki matçda məğlub oluruq. "Neftçi" ilə görüşə də yaxşı hazırlaşmışdıq. Onların bizə hansı mövqelərdən qol vura biləcəklərini uşaqlara başa salmışdıq. Amma təəssüf ki, eyni, mənim istəmədiyim səhvlər oldu, komanda əlindən gələni etdi ki, rəqib fərqlənsin. İki qol buraxdıq, daha artıq da ola bilərdi. Sonradan oyunu toparlamağa çalışdıq. Sistemdə də dəyişiklik etdik. İkinci qolu vura bilmədik, uduzduq, Buna görə məyusuq".
O, daha sonra jurnalistlərin suallarını cavablandırıb.
- Futbolçuların ustalıq səviyyəsi qane etmir?
- Futbolçulara deyirəm ki, bu səhvi etmək olmaz. Bu pası bura o cür vermək olmaz. Tapşırıram ki, bu səhvi etməyin, etdik və iki qol buraxdıq. "Neftçi" bizə nə etdiki? Rəqib yaxşı komandadır. Amma təhlükəni bilə-bilə üç xalı əlimizlə verdik.
- Futbolçular niyə sizə qulaq asmırlar?
- Məşqçi kimi tək qalmışam. Qış transfer pəncərəsindən yararlana bilmədik. Daha 2 futbolçu istəyirdik, alınmadı. Sonuncu yerdə gedən komanda necə ola bilər ki, güclənməsin? Özümüzü yiyəsiz komanda kimi hiss edirik. Futbol ictimaiyyəti tərəfdinən belədir. Hamı danışır ki, "Səbail" heç kimə lazım deyil. Axı burada nə qədər futbolçular var. Məşqçi kimi Azərbaycana gələcəkdə xeyir verə bilərəm. Xəyallarım, arzularım var. Bu dəqqə hamı deyir ki, problem Cavid Hüseynovdadır. Mən də istəyirdim ki, hücumçum olsun. Nşuti, Mirabdulla gəldi. Başqa heç kim gəlmədi. Problemlər böyükdür. Tək toparlamağa çalışıram. Tək gücümü çatmaz. Məşqçiyə dəsətək olmalıdır. "Səbail" qışdan sonra "Şamaxı" ilə matçdan savayı, bütün komandalara qarşı yaxşı oynayıblar. Böyük məşqçilər oyunumuzdan,Strategiyamızdan danışırlar. "Qarabağ"a qarşı da belə çıxmışdıq. Mənə dedilər ki, tutduğundan əl çəkmə, dönmə. Mən nə edim ki, "Səbail" dəstək görmür heç yerdən. Biz qalib gəlirik, mükafatımız 500 manat olur. Siz təsəvvür edirsiz? Pula görə oynamırıq. Amma bu durumda komandaya motivasiya olaraq, hansısa dəstək olmalıdır. "Kəpəz" hansısa komandanı udursa, əməlli-başlı pul alır.
- Rəhbərlik sizi başqa vədlə çağırmışdı, vəd etmədi?
- 16-17 yaşımdam oynayıram. Xarakterimi, mərdliyimi, cəsarətimi bilirəm. Sözü üzə deyən biriyəm. Tək qalmışm deyirəmsə, demək tək qalmışam.
- Tək qaldığınızı dediniz. Həlledici məqamda tək qalmısızsa, o zaman son pillədə olacağınızla barışmısız? Çünki belə durumda çox çətin görünür...
- Barışmayacam. Sona qədər mübarizə aparacam. Amma sadəcə biz bu durumdan çıxmaq istəyiriksə, birlikdə şıxmaııyıq. Hansısa uğurlu nəticə tək məşqçinin işi deyil.
- Yiyəsizlik sponsorluq deməkdir?
- Sponsorsuz yox. Sponsorumuz onsuz da komandadan əl çəkib. Mən gələndən də bəri hansısa maddiyyatdan söhbət gedə bilməz. Mükafat fondu, futbolçu transferi....Hər şeydə azalma var. Bu durumu qabartmışam.
