Sport24.az
"Səbail" Misli Premyer Liqasının 23-cü turunda evdə "Sabah"la 0:0 hesabı ilə heç-heçə edib. Sport24.az xəbər verir ki, "dənizçilər"in baş məşqçisi Cavid Hüseynov oyundan sonra keçirilən mətbuat konfransında jurnalistlərin suallarını cavablandırıb:
- Oyunun gərginliyi öncədən bilinirdi. İstəyirdik qələbə qazanaq. Futbolçuların göstərdiyi xarakterə görə sevinirəm. Bir xal bizim üçün yaxşıdır. Bizi gələcəkdə çətin oyunlar gözləyir.
- Son oyunlarda "Səbail" yaxşı çıxış edir. Demək olarmı ki, Cavid Hüseynov hansısa taktikanın üzərində çalışır?
- Sevindirici hal odur ki, qışdan sonra futbol ictimaiyyətinin rəğbətini qazanmışıq. Bu onu göstərir ki, zamana ehtiyacımız var idi. Səhvlərimiz üzərində işləyirik. Hər məşqçinin öz taktikası var. Futbolçulardan razıyam. Daha çox çalışmalıyıq.
- Hakim qərarlarından narazı görünürdünüz...
- Hakimlikdən razı qaldım. Xırda nüanslar var idi. Bəzi epizodlarda rəqibin futbolçuları kobud oynamışdı. Bu günkü hakimliyi çox bəyəndim.
Nuh Tarverdiyev
