Hazırda "Turan Tovuz"da Kürban Berdıyevin köməkçisi kimi çalışan Cavid Hüseynov yaxın günlərdə iş yerini dəyişə bilər. Sport24.az-ın əldə etdiyi məlumata görə, Hüseynov "Səbail"in "sükanı arxasında" Şahin Diniyevi əvəzləyəcək.
Mənbəmizin söylədiklərinə əsasən, artıq klub rəhbərliyi ilə məşqçi arasında danışıqlar yekunlaşıb. Cavid bəyə tapşırılıb ki, qərb təmsilçisinin rəsmiləri ilə bu yöndə danışsın, onların "xeyir-duasını" alsın.
Qeyd edək ki, Hüseynöv ötən yay "boz qurdlar"ın məşqçilər korpusunda yer alıb.