Sport24.az
Misli Premyer Liqasında III dövrə başa çatıb. Sport24.az cari mövsüm 27 tur ərzində çempionatda qol vurmuş ən yaşlı futbolçularla bağlı araşdırma aparıb.
Hazırda Premyer Liqada fərqlənən ən "qoca" oyunçu Kristian da Silvadır. Braziliyalı yarımmüdafiəçi yanvarın 19-da "Kəpəz"ə 2:5 hesabı ilə uduzduqları matçda fərqlənib. O, bunu 35 yaş, 7 ay 5-ci günündə bacarıb.
İkinci sırada isə fevralda "Qarabağ"la vidalaşan Riçard Almeyda yer alıb. O, avqustun 9-da "Kəpəz"ə 3:0 hesabı ilə qalib gəldikləri qarşılaşmada rəqib qapısına yol tapıb. Azərbaycan millisinin sabiq üzvü buna 35 yaş, 4 ay, 20 günündə nail olub.
İlk "üç-lüy"ü "Neftçi"dən Filip Ozobiç qapayır. Təcrübəli yarımmüdafiəçi ötən tur səfərdə "Səbail"i məğlub etdikləri (2:1) oyunda hesabı açıb. Futbolçu bunu 33 yaş, 11 ay, 8-ci günündə gerçəkləşdirib.
Qeyd edək ki, 28-ci tura martın 28-də start veriləcək.
