Sport24.az
"Arda milli komanda üçün çox vacib oyunçudur. O həm də mənim çox sevdiyim qardaşımdır, bunu hamı bilir. Onun "İnter"də oynamasını istəyirəm". Sport24.az xəbər verir ki, bunu "İnter"in yarımmüdafiəçisi Hakan Çalhanoğlu Türkiyə millisindəki komanda yoldaşı, "Real"ın cinah oyunçusu Arda Gülər haqda danışarkən deyib.
İtaliya klubunun futbolçusu bildirib ki, hər kluba keyfiyyətli futbolçu lazımdır: "Ardanın Madriddə işlərinin necə getdiyini bilmirəm və qarışmaq istəmirəm. O, hər şeyi bilir. Təbii ki, ona daha çox oyun praktikası almağı məsləhət görürəm. Çünki o buna layiqdir. "Ümid edirəm ki, o, bizə gələcək".
Qeyd edək ki, Arda Gülər cari mövsüm bütün turnirlərdə "Real"ın heyətində 30 matça çıxıb və 3 qol vurub, 5 məhsuldar ötürmə edib. Əksər oyunlarda Gülər 2-ci hissədə meydana daxil olub.
