Idman.biz
AFFA-nın texniki direktoru Cahangir Həsənzadənin vəzifəsindən azad edildiyi iddia olunub.
İdman.Biz xəbər verir ki, yerli KİV-lərdə yayımlanan iddialara görə, millimizin sabiq qapıçısı ötən həftə postunu tərk edib.
Məsələ ilə bağlı Cahangir Həsənzadə ilə əlaqə saxladıq.
O bildirib ki, bu barədə onu heç kim məlumatlandırmayıb:
"Bunu ilk dəfə sizdən eşidirəm. Bu barədə heç bir məlumatım yoxdur".
Qeyd edək ki, Cahangir Həsənzadə 2020-ci ildən AFFA-nın texniki direktoru vəzifəsini icra edirdi.
