Sport24.az
"Heç şübhəsiz ki, "Sabah"ın qələbə qazanmaq şansı az deyil. Amma "Vikinq" də çox güclü və hücumameyilli futbol oynayan komandadır". Bu sözləri Sport24.az-a açıqlamasında Azərbaycan millisinin sabiq qapıçısı Cahangir Həsənzadə "Sabah"ın UEFA Çempionlar Liqasının əsas mərhələsinin IV turunda Norveç "Vikinq"inə qarşı keçirəcəyi oyun haqqında danışarkən deyib.
Mütəxəssis Bakı təmsilçisinin şanslarını dəyərləndirib:
"Norveç klubu həm evdə, həm də səfərdə qol vurmağı bacaran, hücumameyilli və rəqibə ciddi təzyiq göstərən komandadır. Bu baxımdan, "Sabah"ı kifayət qədər çətin qarşılaşma gözləyir. Valdas Dambrauskasın yetirmələri rəqibin hücumlarının qarşısını almaqla yanaşı, özü də qol imkanlarından maksimum yararlanmalıdır".
Həsənzadə "Sabah"ın növbəti mərhələyə yüksəlmək ehtimalını aşağı qiymətləndirib:
"Komandamızın nəzəri baxımdan növbəti mərhələyə yüksəlmək şansı var. Ancaq praktik yanaşsaq, bu ehtimalı çox aşağı qiymətləndirirəm. Çünki rəqiblər kifayət qədər güclü, Avropa futbolunda böyük təcrübəyə malik klublardır. Belə komandalarla mübarizə aparmaq mümkündür, amma onlara qarşı müsbət nəticə qazanmaq çox çətindir.
Bununla belə, ümidimizi itirməməliyik. Meydanda mübarizə aparan, sona qədər təslim olmayan komanda görmək istəyirik. Düşünürəm ki, Bakı təmsilçisi bunu meydanda göstərəcək".
Xatırladaq ki, "Vikinq" - "Sabah" oyunu noyabrın 4-dən 5-nə keçən gecə, Bakı vaxtı ilə saat 00:00-da start götürəcək.
"Sözsüz ki, "Sabah"ın qələbə qazanmaq şansı az deyil. Amma "Vikinq" də çox sərt və hücumameyilli futbol oynayan komandadır".
Bu sözləri Sport24.az-a açıqlamasında Azərbaycan millisinin sabiq qapıçısı Cahangir Həsənzadə "Sabah"ın UEFA Çempionlar Liqasının IV turunda Norveçin "Vikinq" klubuna qarşı keçirəcəyi oyun haqqında danışarkən deyib.
Mütəxəssis Bakı təmsilçisinin şanslarını dəyərləndirib:
"Norveç klubu həm evdə, həm də səfərdə qol vurmağı bacaran, hücumameyilli və rəqibə ciddi təzyiq göstərən komandadır. Bu baxımdan, "Sabah"ı kifayət qədər çətin qarşılaşma gözləyir. Bakı təmsilçisi rəqibin hücumlarının qarşısını almaqla yanaşı, özü də qol imkanlarından maksimum yararlanmalıdır. "Sabah" üçün ən çətin sınaqlardan biri olacaq".
Həsənzadə "Sabah"ın növbəti mərhələyə yüksəlmək ehtimalını aşağı qiymətləndirib:
"Komandamızın nəzəri baxımdan növbəti mərhələyə yüksəlmək şansı var. Ancaq praktik yanaşsaq, bu ehtimalı çox aşağı qiymətləndirirəm. Çünki rəqiblər kifayət qədər güclü, Avropa futbolunda böyük təcrübəyə malik klublardır. Belə komandalarla mübarizə aparmaq mümkündür, amma onlara qarşı müsbət nəticə qazanmaq çox çətindir.
Bununla belə, ümidimizi itirməməliyik. Meydanda mübarizə aparan, sona qədər təslim olmayan komanda görmək istəyirik. Düşünürəm ki, Bakı təmsilçisi bunu meydanda göstərəcək".
Xatırladaq ki, "Vikinq" - "Sabah" oyunu noyabrın 4-dən 5-nə keçən gecə, Bakı vaxtı ilə saat 00:00-da start götürəcək.
