Sport24.az
Yeni mövsüm öncəsi transfer çalışmalarını davam etdirən "Neftçi" heyətini Almaniya Bundesliqasında çıxış etmiş Robert Bauerlə gücləndirir. Sport24.az-ın əldə etdiyi məlumata görə, ağ-qaralar" Almaniya "Verder"inin sabiq üzvü artıq klubun düşərgəsinə qoşulub.
Müdafiə və yarımmüdafiədə çıxış etməyi bacaran 29 yaşlı almaniyalı oyunçunun transferi yaxın günlərdə açıqlanacaq.
Futbolçu karyerasına 2014-cü ildə "Karlsrue"ədə başlayan Bauer ilk peşəkar müqaviləsini "İnqolştadt" (Almaniya) klubu ilə bağlayıb. Burada 48 matç keçirən futbolçu daha sonra "Verder"ə transfer olunub. O, ümumilikdə Almaniya Bundesliqasında 89 matçda forma geyinib. Sonuncu klubu Səudiyyə Ərəbistanının "Əl-Tai" kollektivi olub.
