Idman.biz
Almaniya Bundesliqasının 24-cü turunun "Borussiya Dortmund" və "Bavariya" arasında keçirilən oyun başa çatıb. Oyun "Dortmund" stadionunda baş tutub. Qonaqlar 3:2 hesabı ilə qalib gəliblər.
Ev sahibi komandanın müdafiəçisi Niko Şlotterbek 26-cı dəqiqədə hesabı açıb. İkinci hissədə münhenlilərin hücumçusu Harri Keyn 54-cü dəqiqədə hesabı bərabərləşdirib. İngilis futbolçu 70-ci dəqiqədə penaltidən ikinci qolunu vurub. "Borussiya"nın müdafiəçisi Daniel Svensson 83-cü dəqiqədə hesabı bərabərləşdirib. Oyunun sonlarında, 87-ci dəqiqədə Bayernin yarımmüdafiəçisi Coşua Kimmix komandasına qələbə qazandırıb.
"Borussiya" hazırda Almaniyanın yüksək liqasında 52 xalla ikinci yerdədir. "Bavariya" isə 63 xalla liqaya liderlik edir.
21:00
Almaniya çempionatının 24-cü turunda "Bayer Leverkuzen" evdə "Mayns" ilə 1:1 hesablı heç-heçə edib.
Qonaqlar hesabı Şeraldo Bekkerin qolu ilə açıblar. Ev sahibləri əsas vaxtın bitməsinə iki dəqiqə qalmış Jarrell Kvansanın qolu ilə hesabı bərabərləşdiriblər.
"Bayer"in 40 xalı var və turnir cədvəlində altıncı yerdədir. "Mayns" 23 xalla 14-cü yerdədir.
Turun digər oyunlarında "Borussiya Mönhenqladbax" "Union"u 1:0, "Verder Bremen" "Haydenhaym"ı 2:0, "Sankt-Pauli" isə "Hoffenhaym"ı 1:0 hesabı ilə məğlub edib.
