Idman.biz
Bundesliqanın səkkizinci turu liderlər üçün bir sıra ciddi sınaqlar gətirir. Amma, yəqin ki, əsas intriqa "Bavariya"nın ideal startını davam etdirib-etdirə bilməsindədir.
İdman.Biz Almaniya Bundesliqasının səkkizinci turunun əsas oyunlarına baxış təqdim edir.
"Borussiya" (Münhenqladbax) - "Bavariya" (25 oktyabr)
"Bavariya" mövsümə 100 faiz nəticə ilə başlayıb və turnir cədvəlinə başçılıq edir. Menxenqladbaxdakı oyuna çıxmazdan əvvəl Münhen təmsilçisində Cəmal Musiala (baldır sümüyünün sınığı), Hiroki İto (ayaq pəncəsinin sümüyü sınığı) və Yosip Stanişiç (bağ zədəsi) sıradan çıxıb. Serj Qnabri yüngül əzələ narahatlığı səbəbindən qorunur, Alfonso Deyvis isə meydana qayıtmağa yaxındır. Meydan sahibləri isə uğursuz start və payız ərzində davam edən kadr problemləri ilə üz-üzədir.
"Auqsburq" – "Leyptsiq" (25 oktyabr)
"Leyptsiq" ikinci pillədə qərarlaşıb və yaxşı seriyadadır, "Auqsburq" isə cədvəlin aşağı hissəsindədir. Qonaqlarda Amadu Haydara və bir neçə müdafiəçinin zədəli olduğu bildirilir. Həmçinin sentyabrda Lukas Klostermannın da müəyyən problemlərlə üzləşdiyi qeyd olunurdu.
"Borussiya"(Dortmund) - "Köln" (25 oktyabr)
Dortmund təmsilçisi ilk dördlükdə yer alır və mövsümə uğurlu başlayan "Köln"ü qəbul edir. "Borussiya"da Jülyen Duranvil (çiyin zədəsi) meydana çıxa bilməyəcək, Emre Can isə qasıq nahiyəsində ağrılar hiss edir. "Köln"də hücum və yarımmüdafiə xəttində uzunmüddətli itkilər var – Marius Byülter və Lukas Valdşmidt zədəli futbolçular arasındadır.
"Bayer" – "Frayburq" (26 oktyabr)
"Bayer" liderləri izləyən komandalar sırasındadır və evdə dayanıqlı "Frayburq"la qarşılaşacaq. Leverkuzen klubunda Malik Tillman (bud əzələsində yüngül zədə, təxminən iki həftəlik fasilə) və Eksekiel Palasios (baldır sümüyü sınığı, uzunmüddətli itki) sıradan çıxıb. Aleks Qrimaldo baş nahiyəsindən aldığı zədə səbəbindən əlavə müayinədən keçib – onun vəziyyətinə matç günü aydınlıq gələcək. Qonaqlarda isə qapıçılar Noa Atubolu və Florian Müller, eləcə də Daniyel-Kofi Kyerex zədə səbəbindən oynaya bilməyəcək.
"Ayntraxt" – "Sankt-Pauli" (25 oktyabr)
"Qarabağ"ın Çempionlar Liqasındakı rəqibi "Ayntraxt" turnir cədvəlinin ortasında qərarlaşıb və heyət itkisi ilə üzləşib – Oskar Höylund bud əzələsindəki zədə səbəbindən sıradan çıxıb, müdafiəçi Elias Baum da zədəlilər sırasındadır. "Sankt-Pauli"də isə müdafiəçi David Nemeth hələ də bərpa olunmayıb, həmçinin müdafiə xəttində bir neçə itki mövcuddur.
Digər oyunlar və turnir cədvəli
"Verder" – "Union" (24 oktyabr) 1:0
"Hamburq" – "Volfsburq" (25 oktyabr)
"Hoffenhaym" – "Haydenhaym" (25 oktyabr)
"Ştutqart" – "Maynts" (26 oktyabr)
Hazırda turnir cədvəli belədir:
"Bavariya" – 21 xal
"Leyptsiq" – 16
"Ştutqart" – 15
"Borussiya" Dortmund – 14
"Bayer" – 14
"Köln" – 11
"Verder" – 11
"Ayntraxt" – 10
"Hoffenhaym" – 10
"Union" – 10
"Frayburq" – 9
"Hamburq" – 8
"Auqsburq" – 7
"Sankt-Pauli" – 7
"Volfsburq" – 5
"Maynts" – 4
"Haydenhaym" – 4
"Borussiya" (Münhenqladbax) – 3
Teymur Tuşiyev
