Idman.biz
Bu gün UEFA Avropa Liqasının finalında "Mançester Yunayted" və "Tottenhem" komandaları qarşılaşacaq.
İdman.biz xəbər verir ki, Premyer Liqadakı zəif çıxışlarına baxmayaraq (müvafiq olaraq, 16-cı və 17-ci yerlər), hər iki komanda mövsümü yüksək notla başa vurmağa çalışır, kubok qazanaraq növbəti UEFA Çempionlar Liqasına qatılmaq istəyir.
Müxtəlif bukmekerlər "Mançester Yunayted"i bu görüşün favoriti hesab edir:
"Mançester Yunayted"ın qələbəsi: əmsal təxminən 2,30 (43,5% ehtimal)
"Tottenhem"in qələbəsi: əmsal təxminən 3,10 (32,3% ehtimal)
Heç-heçə: əmsal təxminən 3,40 (29,4% ehtimal)
Həmçinin turnirdə qələbə (əlavə vaxt və penaltilər nəzərə alınmaqla) üçün əmsallar belədir:
"Mançester Yunayted": 1,67 (60% ehtimal)
"Tottenhem": 2,20 (45,5% ehtimal)
Ekspertlər qeyd edirlər ki, bu mövsüm "Tottenhem"ə üç dəfə uduzmasına baxmayaraq, "Mançester Yunayted" Avropa Liqasında inamlı oyun nümayiş etdirir və turnirdə hələ məğlubiyyət acısı yaşamayıb.
"Tottenhem"ın əsas oyunçularının, o cümlədən Ceyms Meddison və Deyan Kuluşevski kimi futbolçuların olmaması matçın nəticəsinə həlledici təsir göstərə bilər. "Mançester Yunayted"in kapitanı Bruno Fernandes yaxşı formadadır və qarşılaşmada öz sözünü deyəcəyi istisna edilmir.
Qeyd edək ki, Bilbaoda keçiriləcək final matçı Bakı vaxtilə saat 23:00-da başlayacaq.
İdman.biz
