Sport24.az
Çempionşipdə mübarizə aparan "Bristol" bir gündə büdcəsini 12 milyon avro artırıb. Sport24.az xəbər verir ki, bu barədə "The Times" nəşri məlumat yayıb.
Mənbənin sözlərinə görə, buna səbəb "Mançester Siti"nin "Bornmut"un vingeri Antuan Semenyonun 72 milyon avroya transfer etməsi olub. 2023-cü ildə qanalı oyunçu 10 milyon avro qarşılığında "Bristol"dan "Bornmut"a keçib. İki klub arasında əldə olunan razılaşmaya əsasən, Çempionşip təmsilçisi də oyunçunun növbəti satışından paya sahib olub. Bu bəndə görə, "Bristol" futbolçunun "şəhərlilər"ə transferindən 12 milyon avro qazanıb.
Qeyd edək ki, Semenyo İngiltərəyə köçən qanalı ailəsində anadan olub. O, "Bristol"un yetirməsidir və altı mövsüm Çempionşipdə oynayıb.
