Sport24.az
2021-2024-cü illərdə sıra ilə Libertadores kubokunun qalibi olan "Palmeyras", "Flamengo", "Fluminense" və "Botafoqo" Braziliyanı 2025-ci il klublararası dünya çempionatında uğurla təmsil edirlər. Sport24.az xəbər verir ki, onlar hamısı 1/8 finala vəsiqə qazanıblar.
Braziliyalılar qrup mərhələsində ümumilikdə 12 matçdan yalnız birində uduzublar (6 qələbə və 5 heç-heçə). B qrupunda "Botafoqo" Madrid "Atletiko"suna 0:1 hesabı ilə məğlub olub.
"Boka Xuniors" və "River Pleyt"in qrup mərhələsində mübarizəni dayandırması ilə Argentina liqası isə turnirdə ən uğursuzlardan biri olub. Üstəlik klublararası dünya çempionatında qırmızı vərəqə alan 10 oyunçudan beşi Argentina klublarının təmsilçisidir.
