Sport24.az
"Beşiktaş"In futbolçusu Keni Arroyo karyerasını Braziliyada davam etdirə bilər. Sport24.az xəbər verir ki, "Santos"ekvadorlu vingeri heyətinə qatmaq istəyir.
Bu barədə "Fanatik" nəşri məlumat yayıb.
Braziliya klubu Arroyo üçün "Beşiktaş"la danışıqlara başlayıb. "Santos" 19 yaşlı ön xətt oyunçusu üçün 5 milyon avroluq satınalma bəndi ilə icarəyə götürmək təklifi göndərib.
Qeyd edək ki, "Beşiktaş" Keni Arroyonu bu ilin fevral ayında ölkəsinin "İndependyente" klubundan transfer edib. Ekvador U-20 millisinin üzvü olan gənc futbolçu İstanbul təmsilçisinin heyətində meydana çıxdığı 11 rəsmi matçda 2 qol vurub.
