Sport24.az
ABŞ-də təşkil olunan futbol üzrə Amerika Kubokunda bütün yarımfinalçılar bəlli olub. Sport24.az xəbər verir ki, ötən gecə baş tutan qarşılaşmalardan sonra cütlər məlum olub.
Kolumbiya Panamaya beş cavabsız qolla qalib gəlib. Uruqvay - Braziliya matçının əsas və əlavə vaxtında qalib müəyyənləşməyib. Belədə penaltilər seriyasına ehtiyac duyulub. "Lotoreya"da isə uruqvaylılar daha dəqiq (4:2) olmaqla "sambaçılar"ı mübarizədən kənarlaşdırıblar.
Yarımfinal mərhələsində Argentina Kanada ilə, Uruqvay isə Kolumbiya ilə üz-üzə gələcək. Qarşılaşmalar müvafiq olaraq 10 və 11 iyulda gerçəkləşəcək. Final görüşü iyulun 14-də olacaq.
