Sport24.az
Roberto Mançini Braziliya millisini çalışdıra bilər. Sport24.az xəbər verir ki, o, hazırda bu millinin baş məşqçi postuna namizədlərdən biridir.
Braziliya Futbol Federasiyası hazırda bu məsələ ilə bağlı götür-qoy edir.
Əslində, yerli federasiya üçün prioritet variantlar Karlo Ançelotti və Xorxe Jesusdur. Amma Ançelotti "Real"da, Jesus isə "Əl-Hilal"da işlədiyinə görə, federasiya rəsmiləri onlardan birini milliyə gətirməyin çətin olacağını düşünür.
Mançini isə Səudiyyə Ərəbistanı millisindən ayrıldıqdan sonra, 2024-cü ilin oktyabrından işsizdir.
Xatırladaq ki, Mançini İtaliya millisini çalışdırarkən AVRO-2020-nin qalibi olub.
