Idman.biz
"Neftçi"nin son turda da uduzduğunu gördüm. Təəssüf. Əslində, bu mövsüm gözləntilər daha yüksək idi. Onsuzda, hər zaman belə olub. Amma heç olmasa, bu mövsüm uğurlu nəticə olacağını hamı gözləyir".
İdman.biz xəbər verir ki, bunu "Neftçi"nin veteran forvardı Branimir Subaşiç Sportal.az açıqlamasında deyib.
O, "ağ-qaralar"ın mövsümün ilk üç oyununda qalib gələ bilməməsini şərh edib: "Komanda üç turdan sonra cəmi 2 xala sahibdir. Nə deyim? Nə qədər transferlər ediblər. Hər halda, "Neftçi" artıq qələbələr qazanmağa başlamalı idi. Üç turdan sonra ən azından 7 xal götürmək lazım idi. Amma başqa nəticə ortadadır. "Neftçi" hər zaman çempionluq üçün oynamalı və bunu da sübut etməlidir. Hər halda, Samir Abasov da bunu yaxşı bilir. İndi fasilə olacaq. Ümid edək ki, heç olmasa, fasilədən sonra hər şey yaxşıya doğru gedəcək".
İdman.biz
