Sport24.az
"Şamaxı"nın legioneri Brahim Konate Sport24.az-a müsahibə verib. Fransalı futbolçu həm VI turda qalib gəldikləri (1:0) "Sumqayıt"la matçdan danışıb, həm də
- "Sumqayıt"la oyundan qalib ayrıldız. Matçla bağlı fikirlərini bölüşməyini istərdik...
- Ağır oyun olacağı gözlənilirdi. "Sumqayıt" yaxşı və təhlükəli komandadı. Hər iki tərəf meydana qələbə üçün çıxmışdı. Şadam ki, hakimin final fitindən sonra meydandan qalib ayrılan biz olduq.
- Öz oyunundan razı qaldın?
- Hazırkı formamdan tam razı deyiləm. Arzuladığım səviyəyə çatmaq üçün üzərimdə çox çalışmalıyam. Ümid edirəm ki, qarşıdakı turlarda daha yaxşı performans nümayiş etdirəcəm.
- Çempionatımız barədə fikrini bilmək maraqlı olardı...
- Ümumi götürəndə Premyer Liqa gərgin və maraqlı keçir. Zənnimcə burda çıxış edən istənilən futbolçu zamanla inkişafa nail olur.
- Komandaya və çempionata tam uyğunlaşmısan?
- İki aydı ki, Azərbaycandayam. Həm ölkənizdə, həm də "Şamaxı"da vəziyyət məni qane edir. Düşünürəm ki, artıq uyğunlaşma prosesini başa vurmuşam. Komandamızda yaxşı oyunçular var, kollektivimiz də mehribandı. Fikrimcə, yaxşı nəticələr qazanmaq üçün zəruri şəraitimiz var.
- Bəlkə də çoxları "Şamaxı"dan belə start gözləmirdi. Uğurlu oyunların ardını gətirmək çətin olmayacaq?
- Futbol yalnız xoş sözlərdən ibarət deyil. İdmanın "şah"ında əziyət çəkməli, tər tökməli, ürəyin və beyninlə uğur qazanacağına inanıb mübarizə aparmalısan. Biz üzərimizə düşən işi maksimum görməyə çalışırıq.
ABDULLA İSMAYILOĞLU
