Sport24.az
"Komanda düz yoldadır". Bu sözləri Sport24.az-a açıqlamasında "Şamaxı"nın futbolçusu Brahim Konate deyib.
29 yaşlı yarımmüdafiəçi Misli Premyer Liqasının 32-ci turunda səfərdə "Turan Tovuz"la heç-heçə etdikləri (1:1) oyunla bağlı fikirlərini bölüşüb:
"Tovuzda xal qazanmaq heç vaxt asan deyil. Amma biz bunu bacardıq. Bunu hazırkı həftəsonunda yaxşı nəticə ilə bir daha təsdiqləməliyik".
Fransalı oyunçu səfərdə qalib gəlmək istədiklərini söyləyib: "Qarşılaşmada qələbə qazanmaq üçün imkanlarımız da oldu. Lakin əlimizə düşən şansları dəyərləndirə bilmədik. Amma xalsız qalmamaq daha yaxşıdır".
Qeyd edək ki, "Şamaxı" 33-cü turda "Səbail"i qəbul edəcək. Mayın 3-də baş tutacaq görüş saat 17:00-da start götürəcək.
