Sport24.az
Belçikalı futbolçu Koni De Vinter "Cenoa"nı tərk etməyə yaxındır. Sport24.az xəbər verir ki, bu barədə insayder Fabrizio Romano məlumat yayıb.
22 yaşlı mərkəz müdafiəçisi öz oyunu ilə bir neçə böyük klubların diqqətini çəkib. Onunla İngiltərə Premyer Liqasının və İtaliya A Seriyasının bir neçə klubları maraqlanır. Bildirilir ki, oyunçunun yayda hazırkı klubunu tərk etməsi üçün ilkin addımlar atılıb.
Qeyd edək ki, Koni De Vinter bu mövsüm "Cenoa"nın heyətində 18 oyuna çıxaraq 3 qol vurub. Onun komandası ilə müqaviləsi 2028-ci ilin yayına qədərdir. Belçikalı futbolçu Patrik Vieyranın çalışdırdığı komandaya ötən ilin yayında "Yuventus"dan keçib.
