Idman.biz
Almaniyanın "Borussiya" (Münhenqladbax) klubunun tarixinə həsr edilmiş 280 səhifəlik "Böyük gündəlik" adlı kitab dərc olunub.
İdman.Biz bu barədə "Bild" nəşrinə istinadən məlumat yayıb.
Kitabda "Borussiya"nın (Münhenqladbax) 125 illik hekayəsi, klubda çıxış etmiş futbolçuların bu günədək heç yerdə dərc edilməyən fotoları yer alıb.
Nadir fotolar arasında vaxtı ikən Azərbaycan yığmasının baş məşqçisi olmuş almaniyalı mütəxəssis Berti Foqtsun da şəkilləri yer alıb.
Məlumat üçün qeyd edək ki, Berti Foqts peşəkar futbolçu karyerasına 1965-ci ildə "Borussiya"(Münhenqladbax) klubunda başlayıb. Foqts burada sağ müdafiəçi mövqeyində çıxış edib.
1965-1979-cu illərdə Berti Foqts "Borussiya" (Münhenqladbax) klubunun heyətində beş dəfə Almaniya çempionu, bir dəfə Almaniya kubokunun və iki dəfə UEFA kubokunun sahibi olub. Foqts bu illər ərzində "Borussiya" (Münhenqladbax) klubunun heyətində 419 oyun keçirib, aktivinə 32 qol yazdırıb.
