Idman.biz
Almaniya Bundesliqasının 2025/2026 mövsümünün 16-cı turunun "Ayntraxt Frankfurt" və "Borussiya Dortmund" arasında keçirilən oyun başa çatıb.
İdman.Biz bildirir ki, "Frankfurt Arena"da oynanılan matçda hesab 3:3 olub.
Qonaqların hücumçusu Maksimilian Bayer 10-cu dəqiqədə hesabı açıb. 22-ci dəqiqədə "Ayntraxt"ın yarımmüdafiəçisi Can Uzun penaltidən hesabı bərabərləşdirib. 68-ci dəqiqədə Feliks Nmeça "Borussiya"nı irəli çıxarıb. 71-ci dəqiqədə meydan sahiblərinin hücumçusu Yunes Ebnutalib fərqlənib. 90+2-ci dəqiqədə yarımmüdafiəçi Mahmud Dahud "Ayntraxt"I irəli çıxarıb. Dörd dəqiqə sonra Karni Çukvuemeka hesabı bərabərləşdirib.
Bundesliqanın 16 oyunundan sonra "Borussiya Dortmund" 33 xalla ikinci yerdədir. "Ayntraxt" isə 26 xalla yeddinci yerdə qərarlaşıb.
"Ayntraxt" UEFA Çempionlar Liqasında "Qarabağ"ın rəqibidir. Komandalar yanvarın 21-də Bakıda oynayacaqlar.
