Sport24.az
Bolqarıstanda ÇSKA - "Lokomotiv" matçında VAR-a cavabdeh olan şəxslə bağlı qalmaqal yaşanıb. Sport24.az dnes.bg portalına istinadən xəbər verir ki, yayılan kadrlarda oyun başlamamışdan öncə VAR-da oturan hakimlərin mərc saytlarına baxdığı ortaya çıxıb.
Kadrlarda Volen Çinkov (matçdakı VAR hakimi), onun köməkçisi Stoyan Arsov və üçüncü şəxs - VAR-ın videoqrafı əks olunub.
Hər matç başlamazdan öncə VAR otağında quraşdırılmış kamera ümumi kadrı göstərir və tamaşaçıları oyunun mübahisəli və əsas məqamları ilə məşğul olacaq hakimlərlə tanış edir.
ÇSKA - Lokomotiv matçının yayımı zamanı televiziya kamerası VAR komandasının üzvlərindən birinin telefonunda mərc saytını gəzdiyini qeyd edib.
Hakimlər komissiyasının sədri Stanislav Todorov bildirib ki, ÇSKA - "Lokomotiv" matçından (1:0) əvvəl VAR avtobusunda mərc oyunlarından istifadə edən şəxsin Bolqarıstan Futbol İttifaqı ilə heç bir əlaqəsi yoxdur.
