İdman.biz
"Fəlakət! Alçaldılma! Ayıb! "Qarabağ" Razqradın ortasında "Lüdoqorets"i 7:2 hesabı ilə məğlub etdi!".
İdman.biz xəbər verir ki, Bolqarıstanın topsport.bg saytı Çempionlar Liqasının III təsnifat mərhələsində yerli "Lüdoqorets"in öz meydanında "Qarabağ"a 2:7-lik məğlubiyyətini bu başlıqlı reportajla təqdim edib.
Məqalədə qeyd edilir: "Ludoqorets" Razqradın ortasında əsl fəlakətlə üzləşib və Çempionlar Liqasının III təsnifat mərhələsinin cavab oyununda "Qarabağ"a 2:7 hesabı ilə uduzub. İlk oyunda Azərbaycanda 2:1 hesabı ilə qalib gələn "qartallar" əlavə vaxtdan sonra öz stadionunda biabır oldular və "Qarabağ"a 8:4 hesabı ilə yenilərək Çempionlar Liqasının pley-off mərhələsinə çıxmaq arzusunu puç etdilər".
"Qartallar"ın artıq 7-ci dəqiqədə Oliver Verdonun səhvindən sonra Juninyonun qolu ilə şoka düşdüklərini qeyd edən müəllif digər qollar və təhlükəli epizodlar barədə də yazıb. Əlavə vaxtda "razqradlıların qapısına "əsl bomba" göndərən" Toral Bayramovun qolundan sonra yerli komandanın daha 3 qolla biabır olduğunu bildirib.
İdman.biz
