Sport24.az
Ötən ilin yayından LASK-ın formasını geyinən Almaniya millisinin sabiq müdafiəçisi Jerom Boatenq ona qarşı irəli sürülən ittihamlara münasibət bildirib. Sport24.az xəbər verir ki, Boatenq 2019-cu ildən sevgilisi Kasya Lenhardta ağır xəsarət yetirməklə ittiham olunurdu.
Adıçəkilən qadın 2021-ci ildə evində ölü tapılmışdı. Onun meyitində zorakılıq izləri aşkarlanmamışdı.
Həmin ildə Boatenqlə əlaqədar məhkəmə işi yenidən açılmışdı.
36 yaşlı müdafiəçi isə artıq bu işin dayandırdıldığını deyib: "Münhen Respublika Prokurorluğu illər sonra nəhayət ki, barəmdə qaldırılan işi dayandırdı. Bütün ifadələrim doğru idi və mənə qarşı irəli sürülən ittihamlar yalan idi. Qərəzli münasibətə baxmayaraq yanımda olan və məni dəstəkləyən hər kəsə təşəkkür edirəm. Bu mənim üçün çox şey deməkdir. İndi ailəm və mən gələcəyə pozitiv baxa bilərik. Heç vaxt təslim olmayın!"
Qeyd edək ki, Münhen məhkəməsi Boatenqi 1,2 milyon avro məbləğində cərimələmişdi. Lakin bir neçə ildən sonra prosessual səhvlərə görə bu cəza ləğv edilib.
