Sport24.az
"Mançester Yunayted"in futbolçusu Bruno Fernandeş məşhur futbol eskperti Roy Kinin "qırmızı şeytanlar"ı tənqid etməsinə münasibət bildirib. Sport24.az xəbər verir ki, Kin Premyer Liqada "Nyukasl"a 1:4 hesablı məğlubiyyətdən sonra "Mançester Yunayted"in bəzi oyunçularının kifayət qədər işi görmədiyini deyib.
Bruno isə Kinin sözlərinə belə cavab verib: "Bu, başqalarının fikridir. Mən insanları özüm, komanda yoldaşlarım və komandam haqqında eyni fikirdə olmağa məcbur edə bilmərəm. Vəssalam.
Təbii ki, biz axmaq deyilik. Düşdüyümüz vəziyyəti dərk edirik. Tənqid etmək asandır, çünki klub əvvəllər heç vaxt belə vəziyyətə düşməyib. Əvvəlki mövsümlərdə bu qədər əziyyət çəkməmişdik. Tənqidlərin olması normaldır.
"Mançester Yunayted" də oynadığını başa düşməlisən. Bilirsiniz ki, tənqid qaçılmazdır. Yaxşı nəticələr olduqda isə sizə gözəl sözlər deyiləcək. Bütün bunlara yanaşmanızda tarazlıq tapmalısınız".
Qeyd edək ki, "Mançester Yunayted" Premyer Liqanın turnir cədvəlində 38 xalla 14-cüdür.
