Sport24.az
"Əl-Nəsr" gələn ay müqaviləsi başa çatan Kriştiano Ronaldonu komandada saxlamaq istəyir. Sport24.az xəbər verir ki, Səudiyyə Ərəbistanı təmsilçisinin idman direktoru Fernando Hyerro portuqaliyalı ulduzla bağlı açıqlama verib.
Klub rəsmisi 40 yaşlı hücumçuya yeni mmüqavilə təklif etdiklərini bildirib:
"Ronaldonun müqaviləsi iyun ayının sonuna kimi davam edir. Onunla yeni sözləşmə imzalamaq istəyirik. Ümid edirəm bununla bağlı irəliləyiş eldə edə bilərik. Onu istəyən bir çox klub var. Ronaldo futbol tarixinin ən böyük simalarından biridir. Səudiyyə Ərəbistanı çempionatının inkişaf etməsində onun böyük rolu oldu. Müqaviləsini uzatmaq üçün danışıqlar aparırıq və onun bizimlə qalmasını istəyirik".
