Sport24.az
Sabah Misli Premyer Liqasında sonuncu - IV dövrəyə start veriləcək. Sport24.az xəbər verir ki, 28-ci turun oyunlarında bir baş məşqçi və dörd futbolçu cəzalı durumdadır.
"Şamaxı"nın baş məşqçisi Ayxan Abbasov "Araz-Naxçıvan"la heç-heçə etdikləri 27-ci turun matçında sarı vərəqə alıb. O, cari mövsümdə dördüncü dəfə bu halla üzləşdiyi üçün "Zirə" ilə qarşılaşmada texniki zonada yer ala bilməyəcək. Bundan əlavə, "Şamaxı"nın legioneri Brahim Konate də cari mövsümdə 8-ci dəfə sarı vərəqə alıb və növbəti görüşü buraxmalı olacaq.
"Araz-Naxçıvan"da Felipe Santos "Neftçi" ilə oyunda, "Səbail"də isə Süleyman Alluşla İlkin Muradov eyni səbəbdən "Kəpəz"lə matçda iştirak etməyəcəklər.
Qeyd edək ki, Premyer Liqada 28-ci tura martın 28-də "Turan Tovuz" - "Qarabağ" görüşü ilə start veriləcək.
