Sport24.az
"Kubokun ilk oyunları gərgin keçdi. Fikrimcə, cavab qarşılaşmalarında da eyni ssenarini izləyəcəyik". Bu sözləri Sport24.az-a açıqlamasında veteran futbolçu Bəxtiyar Musayev deyib.
Mütəxəssis ölkə kubokunun yarımfinalının cavab qarşılaşmaları barədə fikirlərini bölüşüb:
"Qarabağ" "Araz Naxçıvan"a 0:1 hesabı ilə məğlub olub. "Qarabağ" üçün bu hesabla uduzmaq çətinlik yaratmır. Ağdamlılar bir addım öndədir. Çətin də olsa, finala adlayan tərəf meydan sahibləri olacaq.
Masazırda isə hər iki komandanı ağır oyun gözləyir. İstər "Sabah"a, istərsə də "Neftçi"yə avrokuboklara yollanmaq üçün son imkandır. Meydan sahibləri hesabda öndə olsa da, "Neftçi" geridönüş edə bilər. Bu matçda şanslar bərabərdir. "Sabah" son turlarda qeyri-sabit oyunla yadda qalıb".
Qeyd edək ki, yarımfinal mərhələsinin cavab oyunları sabah baş tutacaq.
