Idman.biz
"Qarabağ"ın sabiq futbolçusu Bəxtiyar Musayev Sportal.az saytına açıqlama verib.
O, Ağdam klubunun ölkə kubokunun finalında qarşılaşacağı "Sabah"la görüşdəki şanslarından danışıb.
Musayevin fikrincə, "Qarabağ" kuboku qazanaraq "qızıl dubl" edəcək: "Final oyunlarına proqnoz vermək çətin olur. Sürpriz komandaları da görmüşük ki, kuboku qazanıblar. Həlledici görüş bir oyundan ibarətdir deyə, bəxt amili də rol oynaya bilir. Amma düşünmürəm ki, "Qarabağ" kubku əldən versin. Onlar nə qədər final görüşləri keçirib, çətin oyunlar oynayıb. Kubokun finalında sürprizlər də olur. Amma "Qarabağ"ın kuboku qazanaraq "qızıl dubl" edəcəyinə inanıram. Bu komandanın şansı böyükdür. Düşünürəm ki, "Qarabağ" finalda qalib gələcək".
İdman.biz
