"Türkiyədən təkliflərim var idi. Ancaq karyeramı Azərbaycanda davam etdirməyə qərar verdim". Bu sözləri Sport24.az-a açıqlamasında Bəxtiyar Həsənalızadə deyib.
31 yaşlı mərkəz müdafiəçisi Vətənə dönməyinin səbəbini də açıqlayıb: "Şəxsi problemlər üzündən karyeramı ölkə xaricində davam etdirə bilmədim. Bu ərəfədə Premyer Liqanın bəzi klublarından dəvət almışdım. Seçim zamanı "Araz-Naxçıvan"a üstünlük verdim. Muxtar Respublika təmsilçisinin həm şərtləri məni qane etdi, həm də perspektiv baxımından cəlbedici oldu. Fikrimcə, "Araz-Naxçıvan"la müqavilə bağlamaqda düzgün addım atmışam. Maksimum çalışacam ki, yeni komandama faydalı olum".
Qeyd edək ki, Həsənalızadə ötən mövsüm Türkiyə I Liqasında çıxış edən "Tuzlaspor"un formasını geyinib.
ABDULLA İSMAYILOĞLU