"Betis" klubu UEFA Avropa Liqasının Liqa mərhələsinin 5-ci turunda "Utrext"lə (Niderland) matçda kuryoz halla üzləşib. Sport24.az xəbər verir ki, İspaniya klubunun aparıcı üzvləri İsko və Sofian Amrabat zədə səbəbindən erkən əvəzlənməli olub.
Matçın 3-cü dəqiqəsində Amrabat qüvvətli zərbə ilə topu qapıya vurmaq istəyərkən futbolçuların ayaqları bir-birinə dəyib. Nəticədə onların hər ikisi zədələnib və oyunu davam etdirə bilməyiblər.
Qeyd edək ki, "Betis" - "Utrext" qarşılaşması meydan sahiblərinin 2:1 hesablı qələbəsi ilə başa çatıb.