"Beşiktaş" Orkun Kökçünün transferi ilə bağlı "Benfika"yla razılığa gəlib. Sport24.az insayder Fabrisio Romanoya istinadən xəbər verir ki, İstanbul klubu bunun üçün qarşı tərəfə 30 milyon avro ödəyəcək.
Futbolçu yaxın günlərdə Türkiyə klubu ilə rəsmi müqavilə bağlayacaq. Anlaşmanın müddəti 2029-cu ilin yayına qədər nəzərdə tutulub.
Qeyd edək ki, Kökçü 2023-cü ilin yayından "Benfika"da çıxış edir. O, Lissabon klubunda 98 oyun keçirib, 19 qol vurub və 22 məhsuldar ötürmə edib.