Sport24.az
Yunanıstanın Rodos adasında qadın şahmatçılar arasında şəxsi Avropa çempionatına start verilib. Sport24.az xəbər verir ki, ilk tur qitə birinciliyinə 8 şahmatçı qatılan Azərbayca yığması üçün uğurlu olub.
Təmsilçilərimizdən 5-i qalib gəlib. Avropa çempionatının son qalibi Ülviyyə Fətəliyeva, Gövhər Beydullayeva, Ayan Allahverdiyeva, Türkan Məmmədyarova və Səbinə İbrahimova rəqiblərindən üstün olublar. Gülnar Məmmədova və Nərmin Abdinova yarım xala razı olsalar da, yeganə məğlubiyyət Lalə Hüseynovanın hesabına yazılıb.
Qeyd edək ki, İsveçrə sistemi üzrə keçiriləcək yarış 11 turdan ibarət olacaq. Avropa çempionatında ilk 10 yeri tutacaq şahmatçılar Dünya Kubokuna vəsiqə qazanacaq.
