Sport24.az
"Bernli"nin qapıçısı Ceyms Trafford "Şeffild"lə son matçda qapısını toxunulmaz saxlamaqla "quru seriya"nı 12 oyuna çatdırıb. Sport24.az xəbər verir ki, bu İngiltərənin peşəkar status daşıyan 4 liqası tarixində ikinci ən uzun seriyadır.
Yalnız "Mançester Yunayted"in əfsanəvi qapıçısı Edvin van der Sar 2008/09 mövsümündə Premyer Liqada ardıcıl 14 matçda qapısında qol görməmişdi.
Cari Çempionatda Trafford 33 çempionat görüşündə iştirak edib, 9 qol buraxıb və 24 matçda qapısını toxunulmaz saxlayıb. "Bernli" turnir cədvəlinin üçüncü pilləsində qərarlaşıb (18 qələbə, 14 heç-heçə, 2 məğlubiyyət).
