Qol.az
"Sabah"ın baş məşqçisi Vasili Berezutski Misli Premyer Liqasının 31-ci turunda "Səbail"i 3:2 hesabı ilə məğlub etdikləri oyunu şərh edib.
QOL.az xəbər verir ki, o, matçdan sonra keçirilən mətbuat konfransında deyib:
- Yaxşı ki, qalib gəldik. Xarakter göstərdik. Son dəqiqələrdə qol vurduq. Çoxdandır ki, bu bizdə çatışmırdı. Amma mənfi cəhət odur ki, iki qol buraxmışıq. Son matçlarda çox qol buraxırıq.
- Demək olar ki, bu dəqiqədən etibarən "Neftçi" ilə kubok oyununu düşünürsünüz?
- Bəli, əlbəttə. Elə buna görə bugünkü matçda çoxlu əvəzetmə etdik ki, futbolçular 90 dəqiqə oynamasın.
- Maqsud Adıgözəlov açıqlama vermişdi ki, kubokda finala çıxmasanız belə, sizi istefaya göndərməyəcəklər. Bəs, siz özünüz necə, finala vəsiqə qazana bilməsəniz, istefa haqda düşünəcəksiniz?
- Prinsipcə uğurlar və nəticələr olmadıqda mənim özüm üçün də bir yerdə qalmaq çətindir. Ancaq gələcəkdə nələrin necə olacağını bilmirəm. Vəziyyətə baxacağıq. İndi "Neftçi" ilə oyuna hazırlaşırıq. (sportal.az)
