Sport24.az
Dris Mertens dünən "Qalatasaray"ın heyətində son matçına çıxıb. Sport24.az xəbər verir ki, Türkiyə Superliqasının 38-ci turunda "İstanbul Başakşehir"lə (2:0) meydana çıxan belçikalı 17-ci dəqiqədə penaltini dəqiq yerinə yetirib.
38 yaşlı hücumçu 79-cu dəqiqədə əvəzlənib və azarkeşlərin sürəkli alqışları altında meydanı tərk edib.
"Napoli"nin sabiq forvardı 2022-ci ildən "Qalatasaray"da çıxış edib, 136 oyun keçirib, 25 qol vurub və 44 məhsuldar ötürmə edib. Mertens üç dəfə Türkiyə çempionu olub.
Qeyd edək ki, qapıçı Fernando Muslera da cümə günü "Qalatasaray"la vida matçına çıxıb və 88-ci dəqiqədə əvəzlənib. 38 yaşlı uruqvaylı 14 il Türkiyə klubunun formasını geyinib.
