Sport24.az
Belçika millisinin sabiq üzvü Adnan Yanuzay "Sevilya"dan ayrılıb. Sport24.az xəbər verir ki, o, icarə əsasında "Las Palmas"da oynayacaq. Bu barədə "sarı-göylər"in rəsmi saytında məlumat verilib.
29 yaşlı belçikalı 1 mövsümlük icarəyə götürülüb. Yanuzay daha əvvəl icarə əsasında Türkiyə təmsilçisi "Başakşehir"in formasını geyinib.
Qeyd edək ki, "Mançester Yunayted"in yetirməsi olan futbolçu karyerası ərzində "Borussiya"(Dortmund), "Sanderlend", "Real Sosyedad" kimi klubların şərəfini qoruyub.
