Idman.biz
Futbol üzrə dünya çempionatının Avropa seçmə mərhələsində J qrupunda Belçika Lixtenşteyni qəbul edib.
İdman.Biz bildirir ki, oyun 7:0 hesabı ilə başa çatıb.
Hesabı 3-cü dəqiqədə belçikalıların oyunçusu Hans Vanaken açıb. Jeremi Doku 34-cü və 41-ci dəqiqələrdə qonaqların qapısına iki qol vurub. Brandon Mexele 52-ci dəqiqədə komandasının dördüncü qoluna imza atıb. 55-ci dəqiqədə Aleksis Salmakers 5-ci topu Lixtenşteynin qapısından keçirib. 57 və 59-cu dəqiqələrdə isə Şarl de Ketelare dubla imza atıb - 7:0.
Bu qrupdakı digər oyunda Uels Şimali Makedoniyanı qəbul edib.
Bi matçda hesabı 18-ci dəqiqədə meydan sahiblərindən Harri Uilson açıb. 21-ci dəqiqədə Devid Bruks hesab arasındakı fərqi artırıb. 23-cü dəqiqədə Boyan Miovski buraxılan toplardan birinin əvəzini çıxıb. 37-ci dəqiqədə Brennan Cekson yenidən top fərqini ikiyə çatdırıb. 57-ci dəqiqədə Daniel Ceyms dördüncü topu qonaqların qapısından keçirib. Harri Uilson 75 və 81-ci dəqiqələrdə daha iki qol vurub. Natan Brodhed isə 88-ci dəqiqədə oyunun yekun hesabını müəyyən edib - 7:1.
Beləliklə, Uels J qrupunda 16 xalla ikinci yeri tutub və 2026-cı ildə ABŞ, Kanada və Meksikada keçiriləcək dünya çempionatına vəsiqə qazanmaq üçün pley-off mərhələsində oynayacaq. Belçika 18 xalla qrup birincisi kimi DÇ-2026-da oynamaq hüququ əldə edib. 13 xalla Şimali Makedoniya isə üçüncü yeri tutdu və DÇ-2026-ya vəsiqə qazana bilməyib. Lixtenşteyn 0 xal toplayıb.
