Sport24.az
"İlk hissədə yaxşı oyun sərgilədik. Lakin bəzi epizodlarda konsentrasiyanı itirdik. Məşqlərdə daha çox çalışmalıyıq. Artıq növbəti matçlar haqqında düşünməli və bu qarşılaşmalara hazır olmalıyıq". Bu sözləri Sport24.az-a açıqlamasında "Şamaxı"nın futbolçusu Belajdi Pusi deyib.
Albaniyalı forvard XXI turda "Neftçi"yə qarşı keçirəcəkləri matça da toxunub: "Bizim üçün hər görüş vacibdir. Düşünürəm ki, bu, gözəl oyun olacaq. "Neftçi"nin yaxşı futbolçuları var. Amma biz də yaxşı oyunçulara malikik. Daha çox xarakter göstərən və 90 dəqiqə mübarizə aparan tərəf qalib gələcək"
Pusi "Şamaxı"nın cari mövsümdəki hədəflərindən də söz açıb:
"Məqsədimiz hər oyunda maksimumuzu verməkdir. Qələbələr əldə etmək üçün daha yaxşı oynamağa çalışmalıyıq. Burada çox yaxşı mühit var və hər şey yaxşıdır. Ümid edirəm ki, hamımız birlikdə gözəl işlər görəcəyik".
Qeyd edək ki, yanvarın 31-də keçiriləcək "Neftçi" - "Şamaxı" matçı saat 18:30-da start götürəcək.
