Sport24.az
"Oyun çox yaxşı keçdi." Sport24.az xəbər verir ki, bu sözləri "Qarabağ"ın futbolçusu Bəhlul Mustafazadə deyib.
Müdafiəçi Danimarka təmsilçisi "Kopenhagen"ə qalib gəldikləri UEFA Çempionlar Liqasının əsas mərhələsinin II turunun oyunu ilə bağlı fikirlərini bölüşüb:
"Onların yaxşı rəqib olduğunu bilirdik. İrəli xəttdə dayanmadan pressinq edirdilər. Ağıllı oyun göstərdik. Qələbə qazandığımız üçün şadam".
Mustafazadə ilk iki matçdan sonra rəqiblərin onlara qarşı daha çox diqqətli olacağını vurğulayıb:
"Artıq bizi daha çox analiz edəcəklər. Buna baxmayaraq öz oyunumuzu sərgiləyəcəyik. Qələbələrin sayın bacardığımız qədər artırmaq istəyirik. "İlk 24-lüy"ə düşmək barədə danışmaq hələlik tezdir. Amma niyə də olmasın. Bu, futboldur. Kifayət qədər yaxşı başlamışıq. Məqsədimiz hər qarşılaşmada daha yaxşı çıxış etmək və xallar qazanmaqdır".
Qeyd edək ki, "Qarabağ" rəqibini iki cavabsız qolla üstələyib.
